اليوم الأستاذ جاب أبنه الزغير ,, مسمينو الأستاز الزغير أو أزغر حجم (نومره) بالمكتب .
فا بتعرفوا الواحد بس يشوف ولد زغير بصير بدو يلاعبه ويلعب معو ,, وهكزا صار ,, فكرت رحت ناديت عليه وسحبنا على الطابعة صور زي يلي على الجنب ,, والأولوان شو بتتوقعوا يكونوا في مكتب محاماة ,, قلم خطاط ,, ماركر ,, وأقلام أسود وأحمر وأزرق ,, ومع خيالي وخيالو الضخمين صرنا نقلب الزهري أحمر والأخضر والبنفتحي وباقي الألوان أزرق والحمد لله زبط اللون مع سبونجبوب يلي بشبه ال "الجبنه" على رأيه .
فجأة بتتصل فيي صاحبتي فيدو ,, بتحكيلي وينك بحكيلها بالمكتب ,, وهيه بتحكي معي بحكيلي يلا يلا نسابق مين يلون أسرع ,, بحكيلو يلا إنتا لون سبونجبوب وأنا بلون بسيط .. فيدو حششت بتحكيلي إنتو المحاميين هيك بتشتغلوا؟؟
بحكيلها الصراحة ما عمري توقعت أحكي هاي الجملة في المكتب أو حتى في آخر 20 سنة من حياتي .. بس جد جد تحشيييييييش هاد الولد ومش طبيعي كيف إندمجت معو وقعدت ألون وعلى كيفه إنو لاااء لوني هاد اللون مش هاد .
طبعاً أغلب الوقت ضله يغني شخبط شخابيط .. وأنا بحكيلو والله العظيم صادق على هالشخابيط .
5 comments:
كيف كانو إيديكم بعد هالحفله؟؟
خاصه مع الماركر,, إلا ما يشخبط الإيدين
ummomar
والله قضيتها أنا يلي ألون
كان مستعجل بدو يروح على الألعاب
وبحكيلي خدي لونيها بسرعه
شكلكم ما عندكم زباين ( عملاء ) وقاعدين ترسموا
وتلونوا . وانا بأقول ليه البلد مليانه مشاكل
تاركين الناس بالمحاكم وقاعدين ترسموا
مممممممم
والمشكله اسعاركم عاليه جدا
آخر مره رحت لمحامى عشان يعمل لى عقد
بس قبل ما اقوم من عنده قلت له كم بيكلفنى صياغة العقد قبل ما اجيب شريكى
قال لى 13000 ريال
بس يكتب عقد
قلت له معليش الغى الموضوع
شفت انه مبالغ كثير فى الموضوع
يالله
أتركك مع الرسم
قوس قزح
العقود وما أدراك ما العقود
يمكن 13 ألف وبتبعه تحمل مسؤولية كاملة وممكن يكون العقد ماكن بدون أي أخطاء أو هفوات ومصيوغ صياغة سليمة ألفين محامي مجتمعين مابقدروا يكتبوا نصوا وبعدين حسب نوع العقد وشروطه وبنودة
بس مع هيك لا يعني أنو إحنا بنعيش حياتنا ونمارسها بأبسط جوانبها
ولو ما كانت هالشغلة غريبة على جو الشغل ما كنت كتبت عنها لأنو ببساطه كا حد بكتب عن شي بعيشه كل يوم
:)
:)
Post a Comment