due to lacking of a good mood
على أساس حد مهتم
1 year ago
شرطي سير - رام الله
مره حكالي عنه جوز أختي
بحكيلي أول مره شافه ضلو واقف وصافن فيه
إنو شووووووو بالنسبة
stop overthinking
بكره شغلة التفكير الزيادة عن اللزوم
إييييييييه .. يعني مش بس بفكر بالموضوع .. وبفكر كيف ممكن أثر وليه إنحكت هالكلمه مش كلمه تانيه
وليه صارت هاي الحركه وليه سكتت لما سألتها وليه دار وجهه لما حكيت هاي الكلمه
وبلكي فكر هيك وبلكي فكرتني هيك وبلكي حكت لحد وهاد الحد حكى لكل الناس وصار هيك وهيك
وبوكرى بسألوني الكل وبحاسبوني وإزا صار موقف زي هيك شو رح أجاوب
ولو سألوني هيك كيف بدي أجاوب ولازم أنتبه ليه
خلااااااااااااااااااااااااااااااااااااااااااااااااااااااااااااااااااااااااااص
بلا معنى
عمرو صار معكم الموقف التالي ؟
بيكون في شي مش مشارككم حد فيه أو شي إنتو فكرتوا فيه أو حضرتوا مثلاً فلم أو قرأتوا كتاب أو أي شي عجبكم وضل لفترة معجبين فيه أو حابينه أو أي شعور بالقرب من النفس .. وضل معكم هالشي لحالكم بدون ما تشاركوه .
ولما تحمستوا قررتوا تشاركوه مع غيركم وحكيتوا عنو بس وإنتو تسمعوا حالكم عم تحكوا عنو ..
إنو فقد معناه أو بطل قريب منكم أو بطلتوا معجبين فيه لهداك الحد بالوقت يلي كنتوا مخبينوا لذاتكم/مش مفصحينوا لغيركم ؟؟
زي مثلاً نكته أو فلم حضرتوه وكتير عجبكم ومبسوطين عليه وكل شوي تتذكروه وتفكروا فيه وباللحظة يلي إنت وبتحكي عن الفلم لأي شخص وبتحكي قصته .. وإنتا تسمع حالك شو عم تشرح عن قصة الفلم وشو عم تحكي .. وبتسمع حالك بتكرر آه والله عجبني وإنت بحد ذاتك عم تعيش حالة شك إنو .. (هاه؟) وبعديها بتسكت وبتفكر إنو شو هالهبل أو ييييي وأنا بحكي حسيت إنو لأ مش بهالأهمية أو بهالقيمة .
حماية وأمان
عم بفكر بحالة الأمان يلي ممكن بيوم إنثى تحسها ,,
يلي ضاعت مني لمدة طويلة ولا زالت في حقيقة الأمر .. مابحكي بشكل كامل بل بشكل متقطع .. وهون بقصد الحماية يلي يتلقاها الإنسان من الغير .
لحد هسا مش الكل فاهم شو هيه حالة الأمان ,, الأمان مش إنك تحميني من حد بدو يهجم عليي أو يعتدي عليي فقط ,, بل هيه حالة أعمق وأدق من هيك .
الأمان إنك تحس بحالة متكاملة من التواجد (مش بالضرورة مستمر) ومن المشاعر والطمأنينة وأي مشاعر إضافية ما بتنتقص من منظومة الأمان بحد ذاتها بالإضافة إلى الحماية الجسمانية ومن الغير.
وبنفس الوقت لا يكون مزود الأمان هوه نفسه يلي عم يتلاعب بالأمان وبزيد وبنقص على كيفه كونه هوه الوحيد وما غيره ,, بالعكس اللحظة يلي بحس فيها متلقي الأمان بهاد الشعور (بالتلاعب) بتنكسر أي صلة أو إرتباط بمفهوم الأمان بهاد الشخص ,, وبصير متله متل غيره وجسم المتلقي ببساطه ببلش يتخذ مجموعة الإجراءات بالحذر والترقب والحماية منه .
صفة في الرجال - 1
بحب صفة في الرجل ,, إنو يتحملني .
أنا من النوع يلي بحب يكب بلاه ,, (بمزح) وبالمقابل حلو صفة الرجال يلي بعمل حالو إنو ماشي آه صح ,, يلي بدكياه .
مش عارفة كيف أوصف ردة الفعل ,, بس بتكون من جهتي كب بلاي إنو لاااااء مش أنا يلي عملت هيك إنتا يلي عملت هيك ,, وهوه بمزح إنو يتحمل الموقف ويتماشى مع الوضع برضو بمزح ,, وإحنا التنين عارفين القصة ,,, مممم وبقهرني بالمقابل يلي بداقر إنو لا والله أنا ما إلي دخل ودبري راسك .
إنو أوك بعرف عم نمزح مش ضروري تكون جلف بهيك مواقف ,,,حد فاهم عليي ؟؟
آه وفي موقف تاني إنو أكون في موقف محرج وصعب عليي وييجي هوه يسد مكاني ويلبس حالو المسؤولية ... ما يكون الموقف كبير لأنو مابقبل على حالي حد يتحمل مسؤولية غلطي ,, بس القصد إنو موقف محرج ومش عارفه أتصرف فيه وهوه يتولى زمام الأمور ويحل المشكلة أو الموقف.
آه وفي موقف تاني إنو أكون في موقف محرج وصعب عليي وييجي هوه يسد مكاني ويلبس حالو المسؤولية ... ما يكون الموقف كبير لأنو مابقبل على حالي حد يتحمل مسؤولية غلطي ,, بس القصد إنو موقف محرج ومش عارفه أتصرف فيه وهوه يتولى زمام الأمور ويحل المشكلة أو الموقف.
اليوم قعدت أرسم وألون
اليوم الأستاذ جاب أبنه الزغير ,, مسمينو الأستاز الزغير أو أزغر حجم (نومره) بالمكتب .
فا بتعرفوا الواحد بس يشوف ولد زغير بصير بدو يلاعبه ويلعب معو ,, وهكزا صار ,, فكرت رحت ناديت عليه وسحبنا على الطابعة صور زي يلي على الجنب ,, والأولوان شو بتتوقعوا يكونوا في مكتب محاماة ,, قلم خطاط ,, ماركر ,, وأقلام أسود وأحمر وأزرق ,, ومع خيالي وخيالو الضخمين صرنا نقلب الزهري أحمر والأخضر والبنفتحي وباقي الألوان أزرق والحمد لله زبط اللون مع سبونجبوب يلي بشبه ال "الجبنه" على رأيه .
فجأة بتتصل فيي صاحبتي فيدو ,, بتحكيلي وينك بحكيلها بالمكتب ,, وهيه بتحكي معي بحكيلي يلا يلا نسابق مين يلون أسرع ,, بحكيلو يلا إنتا لون سبونجبوب وأنا بلون بسيط .. فيدو حششت بتحكيلي إنتو المحاميين هيك بتشتغلوا؟؟
بحكيلها الصراحة ما عمري توقعت أحكي هاي الجملة في المكتب أو حتى في آخر 20 سنة من حياتي .. بس جد جد تحشيييييييش هاد الولد ومش طبيعي كيف إندمجت معو وقعدت ألون وعلى كيفه إنو لاااء لوني هاد اللون مش هاد .
طبعاً أغلب الوقت ضله يغني شخبط شخابيط .. وأنا بحكيلو والله العظيم صادق على هالشخابيط .
عن جد؟؟
ليه أول مره بقرأ أو بسمع هاد الحكي
إنو أوك سمعت طراطيش حكي عن المنظمة وياسر عرفات
بس إشتباكات ومصايب هيك ما تخيلتها
كريزة الضعف
بتعرفوها الحالة يلي بتيجي فجأة ..
بتكون معصب ,, ترزح تحت ضغط أو تكون مش قادر تصرخ
أو مش من النوع يلي تصرخ ,, وقاهرك من جواك إشي ومدايقك
وعم يزيد يزيد يزيد عليك ,, وفجأة ما تلاقي حالك غير مسكت "شي"
وضليتك تخبط تخبط أو ترميه على مد أيدك أو تخبط شي برجلك
أو تزيح أشياء قدامك أو أي حركه مؤقته تعملها ,, وتطلع من المكان ؟؟
رمضان السكري
عم بسمع في الإذاعة البايخه ,, روتاهم وفجأة جابوا أعلان.
"في شهر رمضان الفضيل ......" وبسكت مع نغم عود على أساس إيحاء بأنه ديني .
وفجأة ...
"أقوى البرامج"
"أجمل السهرات الطربية"
بس .. بس .. بس ,, على روتانا .
زكروني بوقت غزة والعراق ,, طلعوا أوبيريت جديد والدعاية كانت على الشكل التالي
"الضمير العربي .. فقط وحصريا على مزيكا"
connecting
for a moment ,,
ya i think it dose connect people .
sweet days am having.
sweet night not feeling lonely at all .
أنا ناقص؟ مش مكفيك الهلوما
جد مابطيق لما أكون معصبة أو منكدة
وييجي حد ماااااااا بطيقه ويكب بلاه عليي
إنو مشان الله مابحكيها في وجه حد
بس جد إنو بتلاقيه شايفك كرهان حالك
بس مع هيك ولا كأنو في معنى لعصبيتك
بتلاقيه بسولف وكيفك وشوووو ومن هالحكي
ورح يصاحبك كمان شوي
إنو خلص إفهمها لحالك لما ييجي حد يتجنبك أو يكون وجهي مطعج
:k:
إنو جد هيه نقصااااك إنت كماااان
يوم الجمعة
 |
| thank god it's friday's |
بس بحبو بدون الشغل والتنظيف والغسيل والتعزيل والعزايم والزيارات والمجاملات الطرمة وإستقبال الضيوف وقرف كل شي والطبيخ البايت أو مايكون في طبيخ ولازم أنام بكير عشان بوكرى دوام أقسى وإني مش قادرة أفتح عيوني عشان إمبارح سهرت وقبل شوي لسا غفيت بس لازم أصحى عشان أستمتع باليوم الوحيد في عطلتي .
بس غير هيك أكييييد بحب يوم الجمعة D:
أول شعبرة
إحم إحم
هاي مدونتي المدمجة مع مدونتي الأولى
وهي ليست إلا عبارة عن شعبرات صغيرة
خلافاً لما هي عليه مدونتي الأولى
ستكون بكلمات قليلة سريعة ومختصرة
فأهلا وسهلا فيي
ويختي ما أزكاني
