عم بفكر بحالة الأمان يلي ممكن بيوم إنثى تحسها ,,
يلي ضاعت مني لمدة طويلة ولا زالت في حقيقة الأمر .. مابحكي بشكل كامل بل بشكل متقطع .. وهون بقصد الحماية يلي يتلقاها الإنسان من الغير .
لحد هسا مش الكل فاهم شو هيه حالة الأمان ,, الأمان مش إنك تحميني من حد بدو يهجم عليي أو يعتدي عليي فقط ,, بل هيه حالة أعمق وأدق من هيك .
الأمان إنك تحس بحالة متكاملة من التواجد (مش بالضرورة مستمر) ومن المشاعر والطمأنينة وأي مشاعر إضافية ما بتنتقص من منظومة الأمان بحد ذاتها بالإضافة إلى الحماية الجسمانية ومن الغير.
وبنفس الوقت لا يكون مزود الأمان هوه نفسه يلي عم يتلاعب بالأمان وبزيد وبنقص على كيفه كونه هوه الوحيد وما غيره ,, بالعكس اللحظة يلي بحس فيها متلقي الأمان بهاد الشعور (بالتلاعب) بتنكسر أي صلة أو إرتباط بمفهوم الأمان بهاد الشخص ,, وبصير متله متل غيره وجسم المتلقي ببساطه ببلش يتخذ مجموعة الإجراءات بالحذر والترقب والحماية منه .
3 comments:
بصراحة ما فهمت شي
كلامك كله ألغاز
يا ليت تطرحى الموضوع بسهوله وإنفتاح أكثر
عشان نقدر نشاركك
انا فهمت كأن واحده تطلب من رجل
كان زوجها او أبيها أو أى كان
أن يكون متواجد بحياتها وحولها أكثر
كى تحس بالامان
تحياتى لك
مابعرف هالشعور
حالياً ع الأقليه
متزكره إني كنت كتير أحس فيه بوجود والدي المستمر بحياتي
قوس قزح
بحكي عن حالة الأمان والحماية المتكاملة
مابحكي عن التواجد الحسي بقدر ما بحكي عن الإشباع بمفهوم الأمان بحد ذاته ممكن يكون كلمه
ممكن يكون إحساس
ممكن يكون إختيار مناسب لتخبر هالشخص بمعلومة
إنك لا تسيء فهم أو حتى لا تحكم بسرعة على موقف
تكون صريح ,, آه الصراحة فيها أمان
كيف متوقع تتعايش مع شخص وهوه حاسس إنو مش عم تحكيله الحقيقه أو عم تخبي عليه أشياء
هدفي إنو تطلعوا على مفهوم الأمان بشكل أعمق
ummomar
القصة إنو كتير مننا عم بنعتمد على حالنا وبنحمي حالنا وعزة نفسنا نوعاً ما بتستصعب إزا ما وجدت كم من هاد الأمان إنها تطلبه من حد غيرها ولهيك بننغلق على حالنا وزي بنأجل هالموضوع
القصة الأكبر بتصير هون إنو لما نلاقي شخص وهوه نفسه يفرض الأمان علينا ببساطه بخلينا مرتاحين مع حالنا وحاسين بكمية إشباع داخلي هائلة
Post a Comment